Ermənistan yeni atom elektrik stansiyası tikməlidir, lakin proses çox ləng gedir. Bu barədə ölkənin baş naziri Nikol Paşinyan hökumətin iclasında bildirib.
“Biz qarşımıza yeni atom elektrik stansiyası tikmək vəzifəsini qoymuşuq. Ancaq sabah reallıqla qarşılaşacağıq: pul var, layihə var, amma mütəxəssislərimiz olmadığı üçün tikə bilmirik. Çox gecikmişik. Amma heç olmamaqdansa gec olması yaxşıdır”, – deyə o bildirib.
Metsamorda mövcud Ermənistan Atom Elektrik Stansiyasının istismarı respublika hökuməti ilə Rusiyanın “Rusatom Service” şirkətinin əməkdaşlığı sayəsində uzadılır. Müvafiq qərar ötən ilin dekabrında Ermənistan-Rusiya hökumətlərarası komissiyasının iclasının əsas hissəsinin yekunlaşmasından sonra qəbul edilib. Ermənistan hökuməti AES-in ikinci enerji blokunun ömrünün 2036-cı ilə qədər uzadılması proqramının həyata keçirilməsinə 65 milyon dollar ayırıb. (Tass)