İlk türk astronavtı Alper Gezeravcı Beynəlxalq Kosmik Stansiyadakı missiyasını uğurla başa vurub.Gezeravcı və onu müşayiət edən 3 astronavtı dünyaya daşıyan Dragon kosmik gəmisinin bu gün günortadan sonra hava şəraitindən asılı olaraq Florida sahillərində suya enməsi planlaşdırılır.
Əlverişsiz hava şəraitinin yaratdığı təxirə salınmalar səbəbindən Axiom komandasının səfəri 18 günlə rekord qırıb.
Digər rekord isə təqribən 48 saat çəkəcək dönüş səyahətidir. Bu səyahət Dragon kosmik gəmisinin bu günə qədər “ən uzun transfer müddəti” olaraq rekord vuracaq.
Əslində hava şəraiti eniş üçün uyğun deyilsə, komandanın səfərini bir az da uzatması gündəmdədir.
Floridanın şərq sahili və ya Meksika Körfəz sahillərinə enişi planlaşdırılan Dragon heyəti gəmiyə alındıqdan sonra onların ilk müayinəsi aparılacaq və oradan Hyustona aparılacaq.
Komanda Hyustonda daha hərtərəfli sağlamlıq müayinəsindən keçəcək və bir müddət karantində qalacaq.