ABŞ dövlət katibi Antoni Blinken Münhen Təhlükəsizlik Konfransında Ermənistanın baş naziri Nikol Paşinyanla görüşdən əvvəl bildirib ki, ABŞ və Ermənistan ölkələr arasında müxtəlif sahələrdə əlaqələrin gücləndirilməsi üzərində çalışırlar.
“Bu gün baş nazir Paşinyanla görüşməkdən çox məmnunam. Ermənistan ABŞ-ın çox dəyərli tərəfdaşıdır və biz onun ləyaqətli və davamlı sülhə sadiqliyini alqışlayır və yüksək qiymətləndiririk. Hətta biz bunu müzakirə edərkən və bunun üzərində işləyərkən belə Həmçinin ölkələrimiz arasında bir sıra müxtəlif sahələrdə əlaqələri gücləndirmək üçün çalışırıq. Mən bu gün baş nazirlə bütün bunları müzakirə etməyi səbirsizliklə gözləyirəm “deyib.
Dövlət Departamentinin mətbuat xidmətinin rəhbəri Metyu Miller açıqlamasında bildirib ki, Blinken ABŞ-ın “Ermənistanın öz xalqı üçün firavan və demokratik gələcəyə dair baxışını dəstəkləmək, eləcə də ABŞ-ın Ermənistanın suverenliyi, müstəqilliyi və ərazi bütövlüyünü dəstəkləmək üçün davam edən səylərini” qeyd edib. (Tass)