“Hizbullah” şiə milislərinin pilotsuz uçuş aparatları Livanla sərhəddən 2,5 km aralıda yerləşən Kiryat Şmona şəhərində İsrail hərbçilərinin qərargahına hücum edib. Bu barədə qurumun Telegram kanalında yerləşdirilmiş bəyanatında deyilir.
“Qırıcılarımız Kiryat Şmonadakı işğal qüvvələrinin qərargahını vuran iki pilotsuz uçan aparatından istifadə ediblər”, mətndə qeyd olunur: “Bu əməliyyat düşmən təyyarələri tərəfindən dinc Livanın kəndlərini bombalamasına cavab olaraq həyata keçirilib”.
İsrail komandanlığı PUA-nın hərbi obyektə hücumu ilə bağlı hələlik heç bir şərh verməyib.
Bundan əvvəl “Əl-Mayadin” telekanalının verdiyi məlumata görə, İsrail Hərbi Hava Qüvvələrinin Blida kəndinə keçirdiyi gecə reydi zamanı Livanın cənubunda mülki müdafiə xidmətinin dörd könüllüsü həlak olub. Səhər saatlarında Livan ordusunun əsgəri Vazzani sərhəd bölgəsini atəşə tutarkən yaralanıb. (Tass)