AZƏRTAC xəbər verir ki, bu sözləri jurnalistlərə açıqlamasında Azərbaycanlı Tələbələr və Məzunlar Platformasının (ASAP) icraçı direktoru Sevda Mansurova söyləyib.
S.Mansurova bildirib ki, ASAP xaricdə təhsil alan azərbaycanlı gəncləri və məzunları bir araya gətirən gənclər təşkilatıdır və bu gün də Azərbaycan Respublikası Gənclər Fondu, Azərbaycan Dövlət Neft və Sənaye Universitetinin dəstəyi, ASAP və Bahçeşehir Universitetinin təşkilatçılığı ilə birgə əməkdaşlıqla bu tədbir keçirilir: “Düşünürəm ki, bu gün professor, müəllim heyətinin öz dəyərli təcrübələri bizim gələcəyimiz üçün kifayət qədər dəyərli olacaq və gənclərin inkişafı üçün xüsusi əhəmiyyət daşıyacaq. Ümid edirəm, tədbirdə məhsuldar müzakirələr aparılacaq və hər kəs öz sualına cavab tapa biləcək”.