Parisdə Qəzza zolağında vəziyyətin nizamlanması üzrə çoxtərəfli danışıqların ikinci raundu başlayıb. Bu barədə “Əl-Qahirə əl-İxbariyyə” telekanalı məlumat yayıb.
Onun sözlərinə görə, görüşlərdə Misir, Qətər, ABŞ və İsrailin nümayəndələri iştirak edir. Telekanalın mənbələrinin məlumatına görə, danışıqların məqsədi “sektorda atəşkəs, anklavda radikal qruplar tərəfindən saxlanılan girovların fələstinli məhbuslarla dəyişdirilməsinə dair razılaşmaların əldə edilməsi, eləcə də münaqişənin həlli prosesinə dəstək məsələləridir”.
Əl-Cəzirə telekanalının məlumatına görə , Fələstin HƏMAS hərəkatı və İsrail hakimiyyəti “atəşkəs əldə etmək niyyətindədir və güzəştə getməyə hazırdır, lakin vaxt daralır”. Telekanal qeyd edib ki, vasitəçilər 2024-cü il martın 11-də başlayacaq müsəlmanların müqəddəs Ramazan orucuna qədər münaqişə tərəfləri arasında barışığa nail olmaq üçün hər cür səy göstərməyin zəruriliyini dəfələrlə bəyan ediblər. (Tass)