Braziliya prezidenti Luiz İnasio Lula da Silva İsrailin Qəzza zolağında hərbi əməliyyatlarını yenidən “soyqırım”la müqayisə edib və yəhudi dövlətinin əvvəlki oxşar bəyanatından sonra tənqidlərə baxmayaraq, “azad və suveren Fələstin dövlətinin yaradılmasına” çağırıb.
“Qoy bu Fələstin dövləti İsrail dövləti ilə harmoniyada yaşasın. İsrail hökumətinin etdiyi müharibə deyil, soyqırımdır”, – dövlət başçısı özünün X (keçmiş Twitter) səhifəsində yazıb.
Eyni zamanda, Braziliya prezidenti müsahibəsini şərh etməyə çalışmamağa çağırıb. “Müsahibəni oxuyun və İsrailin baş nazirinin dediklərinə əsasən məni mühakimə etməyi dayandırın”, – prezident əlavə edib. (Tass)