Hüquq və azadlıqlar sahəsində dünya qurumundan 30-dan çox ekspertin İsrailə silah tədarükünün dayandırılmasının lehinə çıxış etməsindən sonra İsrailin xarici işlər naziri İsrael Katz BMT-ni Qəzza zolağında hakim olan radikal Həmas hərəkatı ilə əməkdaşlıqda ittiham edib.
BMT-nin İnsan Haqları Şurasının təyin etdiyi “ekspertlər” İsrailə silah embarqosunu tövsiyə edir. Oktyabrın 7-də baş verən qırğından bəri BMT HƏMAS terrorçuları ilə əməkdaşlıq edir və İsrail dövlətinin özünü və vətəndaşlarını müdafiə etmək hüququnu pozmağa çalışır”, – deyə İsrail Xarici İşlər Nazirliyinin mətbuat xidməti məlumat yayıb. Nazir əlavə edib ki, “HƏMAS-ın törətdiyi hərbi cinayətlərə məhəl qoymamaq” “BMT və şəxsən təşkilatın baş katibi Antonio Quterreş üçün silinməz ləkədir”.
Fevralın 23-də hüquq və azadlıqlar sahəsində BMT-nin 30-dan çox eksperti İsrail və HƏMAS-a silah tədarükünün dayandırılmasının lehinə çıxış edib. Bəyanatlarında onlar xəbərdarlıq ediblər ki, silah ixracı ilə məşğul olan dövlət məmurları hərbi cinayətlərə köməklik və təşviqata görə fərdi cinayət məsuliyyəti ilə üzləşə bilərlər. Bəyanatı BMT-nin işğal olunmuş Fələstin ərazilərində insan haqlarının vəziyyəti üzrə xüsusi məruzəçisi Françeska Albanese və onun insan hüquqları işinin müxtəlif aspektləri ilə məşğul olan 30 həmkarı imzalayıb. BMT-nin daha səkkiz eksperti öz mövqeyini dəstəkləyib.