İsrail prezidenti İsaak Hersoq Avropa Yayım Birliyi (EBU) ilə İsrailin ictimai yayım korporasiyası Kan arasında yaranan fikir ayrılıqlarının həllində “kömək etməyə çalışır” və “ Yəhudi dövlətinin Eurovision Mahnısında iştirakını vacib hesab edir”.
“Bacardığım qədər kömək etməyə çalışıram, hesab edirəm ki, İsrailin Eurovision-da iştirak etməsi vacibdir, çünki bu, yüz milyonlarla tamaşaçı üçün bir platformadır”, – Hersoq “Basheva” qəzetinin Qüdsdəki konfransında çıxış edərkən deyib. “Mən Kan korporasiyasının EBU ilə dialoq aparmasını müsbət hesab edirəm. Dialoqun olması vacibdir”, – deyə İsrail prezidenti vurğulayıb.
Fevralın 23-nə keçən gecə İsrailin Kan Korporasiyası EBU-nun sektorda gedən döyüşlər fonunda həddindən artıq siyasiləşdiyi üçün “Oktyabr yağışı”nı diskvalifikasiya etsə, Eurovision Mahnı Müsabiqəsində yeni mahnı daxil etməyəcəyini açıqlaylb. Bundan əvvəl EBU-dan TASS-a bildirilib ki, təşkilat İsrail təmsilçisi Eden Qolanın müsabiqədə ifa edəcəyi mahnının mətninin müsabiqə qaydalarına uyğun olub-olmadığını yoxlayır.
“Eurovision 2024” mayın 7, 9 və 11-də İsveçin Malmö şəhərində keçiriləcək. (Tass)