Rusiya prezidentinin mətbuat katibi Dmitri Peskov jurnalistlərə bildirib ki, Rusiya və Türkiyə prezidentləri Vladimir Putin və Rəcəb Tayyib Ərdoğan arasında təmas üçün hazırlıq gedir, lakin mart ayında Rusiya Federasiyasında keçiriləcək seçkilərə qədər liderlərin görüşü yoxdur.
“Seçkilərdən əvvəl, yox. Seçkilər öncəsi qrafik hələ kifayət qədər sıxdır və [Rusiya Federasiyasının] prezidenti kifayət qədər məşğuldur. Cənab Ərdoğan isə çox məşğuldur. Amma ən yüksək səviyyədə təmaslara hazırlıq gedir. Bunu bir neçə dəfə bəyan ediblər.Bu təmaslar baş tutacaq, lakin bu, iki prezidentin iş qrafikinə ən uyğun gələn anda olacaq”, – Peskov bildirib. (Tass)