AZƏRTAC xəbər verir ki, bunu Gənclər Fondunun icraçı direktoru vəzifəsini icra edən Qədir Xəlilov jurnalistlərə açıqlamasında deyib.
“Gənclərin dostuna çevrilmiş Vəkillər Kollegiyası ilə birlikdə uzun illərdir ki, ayrı-ayrı layihələrdə birgə fəaliyyət göstərmişik. Belə layihələrdən biri də ikinci dəfədir keçirdiyimiz tələbə hüquqşünaslar üçün qış məktəbidir.
Qış düşərgəsi zamanı gənclərin rayonlara səfərləri də nəzərdə tutulub. Hesab edirəm ki, qış məktəbi dövründə müxtəlif təlimlər vasitəsilə onlarda cəmiyyətdə baş verən hadisələrə düzgün reaksiya formalaşdırılacaq. Bundan başqa, əsas məqsədlərdən biri də burada təlim alan gənclərin ətraflarında olan digər həmyaşıdları və gənc həmkarları ilə də öz öyrəndiklərini paylaşması, bilik və bacarıqların əhatə dairəsinin genişləndirilməsidir”, – deyə Q.Xəlilov bildirib.