Moldova hakimiyyəti Dnestryanıya təzyiq etməklə, danışıqlar prosesini qəsdən böhrana salır, onu məhv edir. Bunu tanınmamış respublikanın Xarici İşlər Nazirliyinin rəhbəri Vitali İqnatyev Tiraspolda açılan və Kişinyovun təzyiqlərinə qarşı tədbirlərin görülməsi planlaşdırılan bütün səviyyəli deputatların qurultayında çıxışı zamanı deyib.
“30 il ərzində iki yüzə yaxın saziş imzalanıb, Kişinyov bütün məsələləri danışıqlar yolu ilə həll etmək üçün beynəlxalq öhdəliklər götürüb.Bu gün biz nə görürük?Beynəlxalq mexanizm və dialoq beşinci ildir ki, süni şəkildə dondurulur. Üstəlik, iştirakçılardan heç biri danışıqlardan geri çəkilmir”, – İqnatyev bildirib. Onun sözlərinə görə, “beş üstəgəl iki” formatında danışıqlar prosesi (Moldova, Dnestryanı, ATƏT, Rusiya, Ukrayna və ABŞ və Aİ-dən olan müşahidəçilər) hələ 2019-cu ilin oktyabrında Moldova nümayəndəsinin imzalanma prosesini pozması ilə məhv edilməyə başlayıb. (Tass)