Rusiya Almaniyanın Moskvaya qarşı hərbi hazırlıqlarını diqqətlə izləyir. Bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.
Diplomat diqqəti Bundesverin (Almaniya Silahlı Qüvvələri) baş müfəttişi Karsten Breyerin Almaniya Silahlı Qüvvələrinin kənardan mümkün hücuma hazırlaşmaq üçün 5 il vaxtı olduğu barədə bəyanatına çəkib.
“Bir daha təsdiq edəcəyəm ki, biz militarist əhval-ruhiyyənin artmasını müşahidə edirik. Müasir Almaniyanın ən yüksək siyasi rəhbərliyinin təklifi ilə, Rusiya ilə qarşıdan gələn hərbi toqquşma teziləri, onların ifadə etdiyi kimi, yenidən gündəmə gətirilir. Biz almanların ilk növbədə ölkəmizə qarşı hərbi hazırlıqlarını diqqətlə izləyirik”.
Zaxarova qeyd edib ki, Moskva Almaniyanın Rusiyaya qarşı yönələ biləcək istənilən hərbi hərəkətinə adekvat cavab verəcək.