ABŞ və Çin diplomatları Şanxayda məsləhətləşmələr raundu keçirib, onlar beynəlxalq vəziyyəti və aktual regional problemləri müzakirə ediblər. Bu barədə Çin Xalq Respublikasının Xarici İşlər Nazirliyi məlumat yayıb.
Onun sözlərinə görə, fevralın 27-də Şanxayda Çin Xarici İşlər Nazirinin köməkçisi, Siyasi Planlaşdırma Departamentinin direktoru Miao Deyu ABŞ Dövlət Departamentinin Siyasi Planlaşdırma Departamentinin rəhbəri Salman Əhməd ilə görüş keçirib. “Tərəflər xarici siyasət və beynəlxalq vəziyyət, aktual regional problemlər və digər məsələlər üzrə səmimi, dərin və konstruktiv fikir mübadiləsi aparıblar”, – Çin Xarici İşlər Nazirliyini saytında yerləşdirilən məlumatda deyilir.
Departament baş tutan məsləhətləşmələrin digər təfərrüatlarını açıqlamayıb. (Tass)