Almaniya hakimiyyəti İsraildən humanitar yardımın paylanması zamanı Qəzza zolağına hücumun hansı şəraitdə baş verdiyinə aydınlıq gətirməsini gözləyir. Bu barədə Almaniya Xarici İşlər Nazirliyinin nümayəndəsi Berlində keçirdiyi brifinqdə jurnalistlərə bildirib.
O, hücum xəbərini dəhşətli adlandırıb və əlavə edib ki, “federal hökumətin fikirləri indi qurbanlar, yaralılar və onların yaxınları ilədir”. “İndi yemək almaq istəyən bu qədər mülki vətəndaşın ölümünün hansı şəraitdə baş verdiyinə aydınlıq gətirmək təcilidir. Biz artıq İsrail hökuməti ilə əlaqə saxlayırıq və insidentə tezliklə aydınlıq gətiriləcəyi ilə bağlı açıq gözləntilərimizi ifadə etmişik”.
“Bizim baş verənlərlə bağlı öz məlumatımız yoxdur”, – XİN nümayəndəsi əlavə edib. (Tass)