Türkiyənin Rusiya ilə Ukrayna arasında münaqişənin sülh yolu ilə həlli ilə bağlı təşəbbüsləri dəstək olmadığından həyata keçirilmədi – əslində sabotaj edildi. Bunu Türkiyə Prezidenti Rəcəb Tayyib Ərdoğan Antalya Diplomatik Forumunun rəsmi açılışında deyib.
“Ukrayna böhranı üçüncü ilinə qədəm qoydu. İstanbul [sülh] prosesi burada, Antalyada başladı. O zaman sülhə olan ümidlər yeni səviyyəyə çatdı. Amma təəssüf ki, lazımi dəstəyin olmaması səbəbindən səylərimiz puça çıxdı. Sülh əldə etmək, məhv olmaqdan qorumaq və on minlərlə insanın həyatını xilas etmək üçün tarixi fürsət əslində əldən verildi, daha dəqiq desək, təxribat edildi”, – Türkiyə lideri bildirib.
O qeyd edib ki, “Suriya, Yəmən, Liviya və Ukraynadakı böhranlar mövcud beynəlxalq sistemin tamamilə təsirsiz olduğunu göstərdi”. “Amma ən çox bu qaydalara əsaslanan sistemin iflası Qəzzada açıq-aşkar görünür. Qəzzada baş verənlər qətiyyən müharibə deyil, soyqırım cəhdidir. BMT Təhlükəsizlik Şurası və beynəlxalq təşkilatlar bunu dayandırmaq üçün addım atmayıblar”, – deyə Ərdoğan bildirib. (Tass)