Pakistan Müsəlman Liqasının (P) sədri Şahbaz Şərif Pakistanın yeni baş naziri seçilib. Ölkənin Milli Assambleyasında (parlamentin aşağı palatası) səsvermə prosedurunu PTV News yayımlayıb.
Parlamentin aşağı palatasının yeni çağırış 336 deputatından 201-i PML-N liderinin lehinə səs verib. Onun Pakistan hökumətinin başçısı postu uğrunda mübarizədəki rəqibi, Milli Assambleyanın yeni çağırışının deputatlarına müstəqil namizəd kimi daxil olan Ədalət Uğrunda Hərəkat Partiyasının baş katibi Ömər Əyyub Xan 92 səs toplayıb. Şərif martın 4-də and içəcək.
PML-N nümayəndəsi, spiker Sərdar Ayaz Sadiqin sədrliyi ilə keçirilən Milli Assambleyanın iclası sünni İttehad Şurasının (SIC) deputatlarının təşkil etdiyi etiraz aksiyası səbəbindən bir saatdan çox gecikmə ilə başlayıb.
Şərif 2022-ci ilin aprelindən 2023-cü ilin avqustuna qədər Pakistan hökumətinə rəhbərlik edib. Onun sələfi, o zamankı Ədalət Hərəkatı Partiyasının sədri İmran Xan etimadsızlıq səsverməsi nəticəsində vəzifəsindən uzaqlaşdırılıb. (Tass)