Misir prezidenti Əbdülfəttah əs-Sisi Cənubi Qafqaz regionunda sabitliyə nail olmaq üçün Ermənistanın sülhsevər təşəbbüslərini dəstəklədiyini bildirib. Misir lideri bunu Qahirədə səfərdə olan Ermənistanın baş naziri Nikol Paşinyanla birgə mətbuat konfransı zamanı deyib.
Səda Əl-Balad xəbər portalının məlumatına görə , Əl-Sisi Misirin “Cənubi Qafqaz regionunda sülh və sabitliyə nail olmaq, maraqlara cavab verən hərtərəfli və ədalətli sülhə nail olmaq üçün münaqişələrin həlli istiqamətində Ermənistanın təşəbbüslərini dəstəklədiyini təsdiqləyib”.
Misir prezidenti əlavə edib ki, Ermənistanın baş naziri ilə danışıqlar zamanı tərəflər “ticarət həcmini siyasi əlaqələrinin yüksək səviyyəsinə mütənasib olaraq artırmaq, həmçinin əməkdaşlığın yeni sahələri, o cümlədən, iqtisadi sahədə tədqiqatlar açmaq istəyini ifadə ediblər”.
Paşinyan isə öz növbəsində “Misirli sahibkarların Ermənistanın investisiya imkanlarına, xüsusən də turizm sektoruna marağına” işarə edib. (Tass)