Moldovanın baş nazirinin müavini və xarici işlər naziri Mixay Popsoi Qəzza zolağında mülki əhali ətrafında yaranmış vəziyyəti qəbuledilməz adlandırıb.
“Biz regionumuzda sülh və sabitlik görmək istəyirik. Beynəlxalq hüquqa hörmət edilməlidir. Bu iztirablara son qoyulmalı, bütün qurbanlar daha əziyyət çəkməməlidir. Eyni zamanda, oğurlananların hamısı azad edilməlidir. Bütün bunlar beynəlxalq hüquq normalarına uyğun baş verməlidir”, – o, Antalya Diplomatik Forumu çərçivəsində Anadolu Agentliyinə müsahibəsində deyib.
Fevral ayında BMT-nin İnsan Hüquqları Şurasının 55-ci sessiyasında Moldova Xarici İşlər Nazirliyinin dövlət katibi Vladimir Kuk İsrail tərəfindən humanitar hüququn və beynəlxalq insan hüquqları standartlarının kütləvi şəkildə pozulmasına diqqət çəkərək, humanitar yardımların dərhal Fələstin xalqına çatdırılmasını təmin etməyə çağırıb.