Ukrayna Silahlı Qüvvələri (AFU) 2024-cü ildə əks-zərbə əməliyyatları keçirmək üçün qruplaşma yaratmağı planlaşdırır. Bu sözləri Ukrayna Silahlı Qüvvələrinin Quru Qoşunlarının komandanı, general-leytenant Aleksandr Pavlyuk deyib.
“Bizim vəzifəmiz cəbhə xəttini sabitləşdirmək, bərpa olunmalı və yenidən təchiz edilməli olan bölmələri yenidən qruplaşdırmaq, bu il zərbə qrupunun yaradılması və əks-zərbə əməliyyatlarının keçirilməsi üçün onları təlim poliqonlarına gətirməkdir. ” deyə o, Ukrayna telemarafonunun efirində bildirib.
Fevralın sonunda Ukrayna prezidenti Vladimir Zelenski uğursuz əks-hücumdan sonra ölkənin yeni hücum əməliyyatı hazırladığını və artıq “aydın planının” olduğunu söyləyib.