2023-cü il oktyabrın 7-də Qəzza zolağında münaqişənin şiddətlənməsindən sonra israilli köçkünlər İordan çayının qərb sahilində yol və postların tikintisini sürətləndiriblər. Bu barədə The Wall Street Journal (WSJ) məlumat yayıb .
Nəşr yerli sakinlərin video məlumatlarının və hekayələrinin təhlilinə əsaslanaraq, keçən il oktyabrın 7-dən israilli köçkünlərin sürətlənmiş templə – cəmi bir neçə gün ərzində İordan çayının qərb sahilində yollar çəkməsinə və forpostlar tikməyə başladığı qənaətinə gəlib. WSJ iddia edir ki, bu tikintilərin əksəriyyəti silahlı mühafizəçilərin nəzarəti altında və İsrail hökumətinin maliyyə dəstəyi ilə həyata keçirilir. Nəşrin hesablamalarına görə, məskunlaşanlar artıq İordan çayının qərb sahilində 15 yola asfalt çəkib və 5 post tikiblər.
(Tass)