Bu barədə AZƏRTAC-a kitabın elmi redaktoru ADPU-nun Analitik və üzvi kimya kafedrasının müdiri professor Əli Zalov bildirib. Onun sözlərinə görə, dərs vəsaitində kimyəvi reaksiyaların kinetikası, kataliz, kimyəvi tarazlıq haqqında nəzəri hissə ilə yanaşı, reaksiya sürətinin reaksiyaya girən maddənin qatılığından, temperaturdan, maddələrin səthinin sahəsindən asılılığını əks etdirən amillər haqqında geniş məlumat verilib.
Dosentlər Sakit Əliyev və Kərim Quliyevin rəy verdikləri dərslikdə hər bir analiz üsuluna aid təcrübi və laboratoriya işləri də yer alıb.
“Kitab kimya, biologiya və geologiya ixtisasları üzrə təhsil alan tələbələr, doktorantlar, müəllimlər və elmi işçilər üçün çox dəyərli mənbədir”, – deyə Ə.Zalov bildirib.