Fransa prezidenti Emmanuel Makronun Qərb qoşunlarının ora göndərilməsinin potensial imkanları ilə bağlı fərziyyələrinə baxmayaraq, Birləşmiş Ştatlar Ukraynaya Amerika qoşunlarını göndərməmək öhdəliyindən dönməyib və dönməyəcək.
Bunu jurnalistlər üçün keçirdiyi brifinqdə ABŞ-ın milli təhlükəsizlik üzrə köməkçisi Ceyk Sallivan deyib.
“Biz öz mövqeyimizi açıq şəkildə bildirdik ki, ABŞ qoşunlarını Ukraynaya göndərmək niyyətində deyilik. [ABŞ] prezidenti Co Bayden, əslində, [bu günlərdə] Birliyin vəziyyəti ilə bağlı müraciətində Amerika xalqına bunu təkrarladı. Biz bu gün bu mövqedən kənara çıxmırıq”, – Ağ Evin sözçüsü vurğulayıb.
(Tass)