Fransa prezidenti Emmanuel Makron Marselə səfəri zamanı Ukraynada münaqişənin gərginləşməsinin qarşısını almaq üçün hər şeyi edəcəyinə söz verib.
Fransa lideri polisin narkotik cinayətləri ilə mübarizə üzrə genişmiqyaslı əməliyyatının keçirildiyi Marselə gəlib.
Makron Marselə səfəri zamanı onun küçələrində vətəndaşlara yaxınlaşıb. “Cənab prezident, söz verə bilərsinizmi ki, müharibə olmayacaq?” – yeniyetmələrdən biri ondan soruşdu. “Biz bunun baş verməməsi üçün hər şeyi edirik”, – deyə Makron cavab verib. Onun sözlərinə görə, Rusiyanı hərbi əməliyyatları dayandırmağa inandırmaq lazımdır.
Prezident onu da vurğulayıb ki, münaqişənin Fransaya çatmaması üçün hər şey edilməlidir.
Fransa lideri fevralın 26-da bildirib ki, Parisdə 20-yə yaxın Qərb dövlətinin nümayəndələrinin Moskva ilə münaqişədə Kiyevə gələcək dəstəyi müzakirə etdiyi görüşdə Ukraynaya quru qoşunlarının mümkün göndərilməsi mövzusu qaldırılıb. Onun sözlərinə görə, iştirakçılar bu məsələdə konsensusa gələ bilməyiblər, lakin gələcəkdə belə bir ssenarinin olmasını istisna etmək olmaz. Makron daha sonra aydınlaşdırdı ki, “bir şeyi istisna etməmək onu etmək demək deyil.
(Tass)