Keçirdiyim hissləri sözlə ifadə etmək mümkün deyil. Sanki yuxu görürük. Uzun illərdən sonra doğma yurdumuz Laçında Novruz bayramı keçirmək böyük xoşbəxtlikdir.
Bunu Laçında keçirilən Novruz şənliyində AZƏRTAC-ın bölgə müxbirinə müsahibəsində şəhər sakini Nəzakət Əliyeva deyib.
“Laçın bu gün bir cənnətə dönüb. Yüksək zövqlə bərpa işləri aparılıb. Laçının gözəlliyindən doymaq olmur. Bütün bunlara görə Prezidentimizə təşəkkürümü bildirirəm. Allahdan şəhidlərimizə rəhmət diləyirəm. Bir ömür onlara borcluyuq ki, bu günləri bizə yaşatdılar” – deyə Laçın sakini bildirib.