Yanvar-fevral aylarında Türkiyəyə ən çox turistin gəldiyi ölkələr siyahısında birinci yeri İran və Rusiya tutub. Bu barədə Türkiyənin Mədəniyyət və Turizm Nazirliyinin saytında dərc olunan statistik məlumatda deyilir.
İlin ilk iki ayında İranın 437,9 min, Rusiya Federasiyasının isə 433,6 min vətəndaşı respublikaya səfər edib. Bu, xarici turistlərin ümumi sayının müvafiq olaraq 10,09%-ni və 9,99%-ni təşkil edir. Eyni zamanda, 2024-cü ildə iranlı turistlərin payı fevralda 4% artıb, rusiyalı turistlər isə təxminən 3% azalıb.
İlk beşliyə həmçinin Bolqarıstan (345 min), Almaniya (330 min) və Gürcüstan (207 min) daxildir.
Məlumatlar həmçinin göstərir ki, ötən ilin eyni dövrü ilə müqayisədə İsraildən gələn turistlərin sayı 86%, Sudandan 38% və Cənubi Afrikadan 12% azalıb. Eyni zamanda Çindən turist axını 200%, Səudiyyə Ərəbistanından 104%, Türkmənistandan 84%, Yaponiyadan 82% artıb.
(Tass)