Almaniya hakimiyyəti bu yay futbol üzrə Avropa çempionatı zamanı bütün ölkə sərhədlərində nəzarət tətbiq edəcək. Bu barədə Almaniyanın daxili işlər naziri Nensi Feser Rheinische Post qəzetinə məlumat verib .
“Turnir zamanı potensial cinayətkarların ölkəyə daxil olmasının qarşısını almaq üçün bütün Almaniya sərhədlərində müvəqqəti nəzarət tətbiq edəcəyik” dedi. Nazirin sözlərinə görə, Almaniya hüquq-mühafizə orqanları ilk növbədə islamçılar və digər ekstremistlər, futbol xuliqanları tərəfindən təhlükənin qarşısını almaq və kibertəhlükəsizliyi təmin etmək niyyətindədir.
Futbol üzrə Avropa çempionatı 2024-cü il iyunun 14-dən iyulun 14-dək Almaniyada keçiriləcək. 28 fevral 2022-ci il tarixində Avropa Futbol Assosiasiyaları İttifaqı və Beynəlxalq Futbol Federasiyası Ukraynadakı vəziyyətlə əlaqədar Rusiya klublarının və milli komandalarının beynəlxalq yarışlarda iştirakını dayandırıb. Rusiya yığması Avropa çempionatının seçmə mərhələsində iştirak etməyib. Hazırkı Avropa çempionu 2021-ci ildə keçirilən turnirin final oyununda (1:1, 3:2 – penaltilər seriyasında) İngiltərə komandasına qalib gələn İtaliya komandasıdır.
(Tass)