Şiə Hizbullah partiyasının silahlı qanadı Livanla sərhəddən 3 km aralıda yerləşən Liman qəsəbəsində İsrail hərbi qərargahının artilleriyadan atəşə tutulduğunu bildirib.
Qurumun Telegram kanalında yerləşdirilən mesajda bildirilir ki, şiə döyüşçüləri artilleriya silahlarından düşmənə atəş açıb və hədəfi dəqiqliklə vurublar.
Al Mayadeen telekanalının məlumatına görə , daha əvvəl İsrail Hərbi Hava Qüvvələri Aynata, Marun ər-Ras və Yarun yaşayış məntəqələri yaxınlığındakı Hizbullah postlarına hücum edib. Bu hücumlar İsrailin şimalındakı Şlomi yaşayış məntəqəsini şiə milislərinin raketatanlardan istifadə edərək atəşə tutmasından sonra baş verib.
Telekanalın məlumatına görə, raketlərdən biri yaşayış binasına düşüb, nəticədə israilli qadın yaralanıb.
(Tass)