Təcavüzkar xarici siyasət ABŞ-ın özünə ziyan vurur. Bu fikri ABŞ-ın keçmiş prezidenti Donald Trampın administrasiyasında müdafiə nazirinin keçmiş müşaviri, istefada olan polkovnik Duqlas Makqreqor deyib.
“Amerikalılar özümüzə zərər verən bu mənasız və axmaq hərbi müdaxilələrdən bezməyə başlayırlar” deyə o, X (keçmiş Twitter) yazıb. Keçmiş müşavir belə bir siyasətin mənasızlığını vurğulayaraq, 20 il ərzində dövlət borcunun 14 trilyon dollar artdığını xatırladıb.
Konqresin Büdcə Bürosunun fevral ayı proqnozlarına görə, ABŞ-ın dövlət borcu 2034-cü ilin sonuna kimi ÜDM-in 116%-nə qədər artacaq, 2054-cü ilə qədər isə ÜDM-in 174%-ni təşkil edəcək.
Yanvarın əvvəlində ABŞ-ın dövlət borcu 34 trilyon dolları ötüb. 2023-cü ildə o, 4 trilyon dollardan çox artıb. ABŞ prezidenti Co Bayden 2023-cü il iyunun 3-də dövlət borcunun tavanını artırmaq üçün Konqres tərəfindən daha əvvəl təsdiqlənmiş qanun layihəsini imzalayıb. Artıq limitə 2 yanvar 2025-ci ildə çatılacaq.
(Tass)