Bolqarıstan Xalq Assambleyası (Parlamenti) çərşənbə axşamı növbədənkənar iclas keçirəcək və bu iclasda ölkənin yeni texniki hökuməti and içəcək. Bu barədə qanunverici orqanın mətbuat xidməti məlumat yayıb.
“Xalq Məclisinin sədri Rosen Jelyazkov aprelin 9-da saat 09:00-da parlamentin növbədənkənar iclasını çağırır, gündəliyə bir məsələ – texniki hökumət üzvlərinin andı daxildir”, – məlumatda deyilir.
İclas başlamazdan əvvəl Bolqarıstan Prezidenti Rumen Radev Dimitar Qlavçevin rəhbərlik etdiyi texniki hökumətin təyin edilməsi, habelə iyunun 9-da Avropa Parlamentinə seçkilərin və milli parlamentə növbədənkənar seçkilərin keçirilməsi haqqında fərmanlar imzalayacaq.
Martın 30-da prezident Qlavçevə hökuməti qurmaq mandatını verib, aprelin 5-də isə baş nazir postuna namizəd öz tərkibini texniki kabinetə təqdim edib.
(Tass)