ABŞ yaxın günlərdə Dağlıq Qarabağ üzrə beynəlxalq müşahidə missiyasının təfərrüatlarını razılaşdırmaq niyyətindədir və Azərbaycanın ona ev sahibliyi etməyə hazır olmasından məmnundur. Bunu Dövlət Departamentinin sözçüsü Metyu Miller brifinqdə deyib.
“Biz yaxın günlərdə müttəfiqlərimiz və tərəfdaşlarımızla birlikdə çalışacağıq ki, bu missiyanın necə görünəcəyini dəqiq müəyyən edək. Amma son nəticədə biz masaya qayıdış görmək istəyirik”, – Miller deyib.
Amerikalı diplomat qeyd edib ki, Birləşmiş Ştatlar “Azərbaycan hökumətinin sözün əsl mənasında verdiyi bəyanatı alqışlayır… belə bir beynəlxalq müşahidə missiyasına ev sahibliyi etməkdən məmnun olacaqlar”.
Onun sözlərinə görə, ABŞ Dağlıq Qarabağda eskalasiya zamanı Rusiyanın oynadığı rolu “məhsuldar” hesab etmir.
“Mən, əlbəttə ki, Rusiyanın ötən həftə burada məhsuldar rol oynadığını düşünmürəm. Biz bunu zaman-zaman görmüşük. Onların danışıqlara şərait yaratdıqları hallar olub, biz bunu alqışlamışıq, amma təbii ki, onların rolu məhsuldar olmayıb deyə siyasətçi bildirib”. (Tass)