Azərbaycan və Belarus xarici işlər nazirləri Ceyhun Bayramov və Sergey Aleynik Minskdə keçirilən görüşdə Belarus tərəfinin Qarabağda bərpa işlərində mümkün iştirakını müzakirə ediblər. Bu barədə Azərbaycan Xarici İşlər Nazirliyinin mətbuat xidmətindən məlumat verilib.
“Nazirlər Azərbaycanın işğaldan azad edilmiş ərazilərində aparılan bərpa işləri və Belarusun bu prosesə mümkün töhfəsini müzakirə ediblər. Ceyhun Bayramov həmkarına regiondakı mina təhlükəsi barədə ətraflı məlumat verib”, – məlumatda deyilir.
Xarici işlər nazirləri iki ölkə arasında strateji tərəfdaşlıq əlaqələrinin səviyyəsindən məmnunluq ifadə ediblər və iqtisadi sahədə, o cümlədən kənd təsərrüfatı, nəqliyyat, maşınqayırma və turizm sahələrində əməkdaşlığın inkişaf perspektivlərini nəzərdən keçiriblər.
“Nazirlər iqtisadi əlaqələrin genişləndirilməsi üçün böyük potensialın olduğunu qeyd edərək, bu sahədə qarşılıqlı fəaliyyətin gücləndirilməsi üçün yeni istiqamətlərin nəzərdən keçirildiyini vurğulayıblar”, – Azərbaycan diplomatik departamentinin məlumatında deyilir.
(Tass)