Tehran Təl-Əvivlə bundan sonra qarşıdurmaya girməyəcək, çünki bu, İranın Fars körfəzi vasitəsilə dünya bazarına neft və qaz tədarükünü təhdid edir. Bu fikri ABŞ Mərkəzi Kəşfiyyat İdarəsinin (MKİ) keçmiş direktoru Devid Petreus Amerikanın CNN telekanalına müsahibəsində deyib .
“Mən düşünmürəm ki, İran Fars körfəzində naviqasiyanın pozulmasını istəmir, çünki onlar özləri gündə təxminən 1,6 və ya 1,7 milyon barel ixrac edirlər.
Bununla yanaşı, Amerika kəşfiyyatının keçmiş rəhbəri ABŞ prezidenti Co Baydenlə İsrailin baş naziri Benyamin Netanyahu arasında İranın İsrailə endirdiyi zərbələrdən sonra baş verən son söhbəti şərh edib. CNN-in daha əvvəl xəbər verdiyi kimi , Amerika lideri israilli siyasətçiyə ABŞ-ın İsrailin İrana cavab zərbələrində iştirak etməyəcəyini deyib. Petreus qeyd edib ki, İsrail özü bir sıra tədbirlər görə bilər, lakin bunların hamısının açıq şəkildə həyata keçirilməsi mütləq deyil. “Bu hərəkətlər gizli məqsədlər güdə bilər və asimmetrik hücumlar, kiberməkanda hərəkətlər ola bilər” dedi.
Petreus ABŞ-ın gələcək səylərinin diplomatik və iqtisadi xarakter daşıyacağını da vurğulayıb. “Və nəzərə alın ki, Vaşinqton koordinasiyalı səylər çərçivəsində hansı diplomatik və iqtisadi cavabların verilməli olduğunu müəyyən etmək üçün Yeddilik Qrupunun (G7) digər ölkələri ilə görüşür”.
(Tass)