Səfərbərlikdən qaçan kişilərin Ukrayna sərhədindən qanunsuz aparılmasının qiyməti 3 min dollardan 10 min dollara qədərdir. Bunu Ukrayna Dövlət Sərhəd Xidmətinin nümayəndəsi Andrey Demçenko deyib.
“Qanun pozucuları saxlanılarkən təşkilatçıların (qeyri-qanuni çıxış sxemlərinin) müəyyən edilməsi, təşkilatçıların onları sərhəddən necə keçirməyə cəhd göstərdiklərini müəyyən etmək, digər təfərrüatları öyrənmək üçün araşdırmalar aparılıb. Onların bu cür qanunsuz səfərin təşkilatçılarına, cinayətkar elementlərə ödədiyi qiymətlər 3 min dollardan 10 min dollara qədərdir”, – deyə o, Rada telekanalında bildirib.
Onun sözlərinə görə, son vaxtlar təşkilatçıların sərhəddən qaçaqmalçılıq yolu ilə kişi keçirməsi üçün azyaşlıları bələdçi kimi cəlb etməsi hallarına da rast gəlinir. Demçenko izah edib ki, bu, yetkinlik yaşına çatmayanlar üçün belə hərəkətlərə görə cinayət məsuliyyətinin nəzərdə tutulmaması ilə bağlıdır. (Tass)