İran münaqişəni genişləndirməyə çalışmır, lakin onun istənilən təcavüzə cavabı daha sarsıdıcı olacaq. Bu sözləri İslam Respublikası ordusunun komandanı general-leytenant Əbdülrəhim Musəvi bu yaxınlarda İranın raket və pilotsuz təyyarələrinin İsrailə hücumu fonunda deyib.
İranın dövlət telekanalı IRIB Musəvidən sitat gətirib : “İran İslam Respublikası müharibəni genişləndirmək niyyətində deyil, lakin istənilən təcavüzə cavab daha sarsıdıcı olacaq”.
Komandir İsrail ərazisinə kütləvi hücum əməliyyatını “uğurlu” adlandırıb və qeyd edib ki, “bu, İslam İnqilabı Keşikçiləri Korpusunun hərbi kosmik qüvvələri tərəfindən ordu və Müdafiə Nazirliyinin əməkdaşlığı və rəhbərliyi altında həyata keçirilib”. Musəvinin sözlərinə görə, əməliyyat “İslam inqilabının bütün dostlarını sevindirdi və İranın bütün düşmənlərini İranın çəkindirmə gücünə heyrətə saldı”. (Tass)