Avropa İttifaqı (Aİ) rəsmiləri Pekinin anti-Rusiya sanksiyalarına əməl etməsini təmin etmək üçün cümə günü Çin diplomatları ilə görüşəcək. Bu barədə South China Morning Post (SCMP) məlumat yayıb.
Mənbələrin bildirdiyinə görə, görüşdə Aİ rəsmiləri Çin tərəfini sanksiyalara məruz qalmış Avropa istehsalı olan malları Rusiya Federasiyasına təkrar ixrac etməkdə şübhəli olduqları Çin şirkətlərinə qarşı məhdudlaşdırıcı tədbirlər tətbiq etmək planları barədə məlumatlandırmaq niyyətindədirlər. Brüssel iddia edir ki, Moskva bu məhsullardan Rusiya hərbi-sənaye kompleksinin maraqları üçün istifadə edir. (Tass)