İstanbulda dağıdıcı zəlzələlərin yüksək ehtimalı ilə bağlı hakimiyyət orqanlarını dəfələrlə xəbərdar edən Türkiyənin aparıcı seysmoloqu Naci Görür metropolda 7,6 bal gücündə təkanların olacağını proqnozlaşdırıb. Bu barədə RİA Novosti xəbər verir.
Türkiyənin indiki şəhərsalma naziri Murat Kurum mart ayında bildirib ki, Türkiyə hakimiyyəti İstanbulda seysmik olmayan binalarda təxminən 1,5 milyon mənzilin sakinlərini köçürməyi planlaşdırır. İstanbulun müxalif bələdiyyə sədri Əkrəm İmamoğlu şəhərdə sıxlıq problemini əsas gətirərək planları tənqid edib. İmamoğlu daha əvvəl meriyanın zəlzələyə hazırlıqla bağlı planlarını təqdim edib və bildirib ki, bu, qaçılmazdır, lakin təbii fəlakətin nə vaxt baş verəcəyini dəqiq proqnozlaşdırmaq mümkün deyil. Şəhər meriyasının hesablamalarına görə, 7,5 bal gücündə zəlzələ zamanı ən azı 90 min bina dağılacaq və təxminən 4,5 milyon vətəndaşın müvəqqəti mənzilə ehtiyacı ola bilər.
Seysmoloq ölkənin cənub-şərqində Kahramanmaraşda dağıdıcı zəlzələlər ola biləcəyi barədə xəbərdarlıq edərkən reaksiya verilməməsindən şikayətlənib.
“Kahramanmaraşda baş verən zəlzələ ilə bağlı əvvəlcədən xəbərdar etdik, amma heç kim qulaq asmadı. İndi qorxuruq ki, tarix təkrarlanacaq, yenə eyni şeyi deyirik: bir gün hər şey bitəcək”.