Ukrayna prezidenti Vladimir Zelenski Rusiyanın şənbə günü ölkəsinin enerji sektoruna hücumunun Avropa İttifaqına təchizat üçün vacib olan qaz obyektlərini hədəfə aldığını deyib.
“Əsas hədəf enerji sektoru, sənayenin müxtəlif obyektləri, həm elektrik enerjisi, həm də qaz tranziti obyektləri, xüsusən də Avropa İttifaqına təhlükəsiz çatdırılma üçün mühüm əhəmiyyət kəsb edən qaz obyektləri idi”, – Zelenski gecə videomüraciətində deyib.
Beynəlxalq partnyorlarından müdafiə silahlarının tədarükü üçün kampaniya aparan Zelenski bildirib ki, Ukrayna qüvvələri Rusiyaya məxsus 34 müxtəlif tipli raketdən bəzilərini “vura bilib”. (Reuters)