İsrailin xarici işlər naziri İsrael Katz hesab edir ki, planetdə “radikal İslama qarşı üçüncü dünya müharibəsi” gedir. Bu baxımdan, onun fikrincə, azad dünya adlanan ölkələr İranı dayandırmaq üçün birləşməlidirlər.
O, bu fikri X-də İranın ali dini lideri Ayətullah Əli Xameneinin ötən gecə həmin platformada Qərb ölkələrində Fələstin tərəfdarı olan çoxsaylı nümayişlərə diqqət çəkdiyi bəyanatını şərh edərkən bildirib. Xamneyinin sözlərinə görə, Qəzza zolağı ətrafında baş verən son hadisələr fonunda “ABŞ və İsrailin reputasiyası məhv edilib, onların həqiqətən də həlli yoxdur”.
“Əli Xamenei illərdir ABŞ və Avropada İslam ekstremizminin infrastrukturunun qurulmasına kömək edib və indi bütün dünyada nifrət nümayişlərinə heyran qalır və İranda İsrail və ABŞ-ın məhv edilməsinə çağırır. Azad dünya oyanmalı və anlamalıdır ki, “Biz radikal İslama qarşı üçüncü dünya müharibəsinin ortasındayıq. Biz çox gec olmadan İranı indi dayandırmalıyıq”, – Katz cavabında yazıb. (Tass)