Böyük Britaniyanın xarici işlər naziri Devid Kemeron Fələstinin radikal HƏMAS hərəkatının İsrailin Qəzza zolağında atəşkəslə bağlı təklifi ilə razılaşacağına ümid edir. O, bu barədə Ər-Riyadda Dünya İqtisadi Forumunun xüsusi sessiyasında bildirib.
“Mənə elə gəlir ki, bizim – düzünü desək – 200 gündən artıqdır ki, girovların azad edilməsi müqabilində 40 günlük uzunmüddətli atəşkəs, minlərlə fələstinli məhbusun mümkün azadlığa buraxılması üçün çox səxavətli təklifimiz var. Ümid edirəm ki, Həmas bu sövdələşməyə razı olacaq və düzünü desəm, bütün dünya təzyiqləri, bütün dünya ictimaiyyətinin gözü bu gün onlara yönəlməlidir ki, onlar bu razılaşmanı qəbul etsinlər”, – deyə Xarici İşlər Nazirliyinin rəhbəri bildirib.
Bundan əvvəl Misir İsrail tərəfi ilə razılaşdırılmış təşəbbüsü HƏMAS-a təhvil verib və bu təşəbbüs atəşkəs müqabilində Qəzza zolağında saxlanılan 20-40 girovun azad edilməsini nəzərdə tutur. HƏMAS nümayəndə heyətinin Misir tərəfinə son atəşkəs təklifinə cavabını təqdim etmək üçün Qahirəyə gələcəyi gözlənilir. Əl-Qahirə Əl-İxbariya telekanalındakı mənbənin sözlərinə görə , HƏMAS və İsrail arasında razılaşma çox güman ki, “bəzi qeyd-şərtlərə baxmayaraq, yaxın bir neçə gün ərzində” əldə olunacaq. (Tass)