“Report” xəbər verir ki, iclası açılış nitqi ilə başlayan Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə din pərdəsi altında aparılan radikalizm, antisemitizm, islamofobiya və xristianafobiya təbliğatının qarşısının alınması olduğunu bildirib.

A.Paşazadə dinlərin müqəddəs məkanlarının təhqir olunması, dağıdılması, bəzi Avropa ölkələrində Quranın yandırılmasını pisləndiyini və bu kimi addımlarda birgə mübarizənin daha səmərəli olacağını diqqətə çatdırıb.

İclasda çıxış edən BMT Baş katibinin Sivilizasiyalar Alyansı üzrə ali nümayəndəsi Migel Anxel Moratinos isə dünyada terror təhlükəsi ilə bağlı narahatlıq doğuran məsələlərin olduğunu vurğulayıb. O təklif edib ki, dini ibadət yerlərinin xəritəsi hazırlansın və həmin məkanlar mühafizə olunsun.