Avropa Şurasının sədri Çarlz Mişel Brüsseldə Ukrayna prezidentinin ofisinin rəhbəri Andriy Ermak ilə görüşüb. Bu barədə Mişelin mətbuat xidməti məlumat yayıb.
“Avropa Şurasının prezidenti Çarlz Mişel mayın 15-də Brüsseldə Ukrayna prezidentinin ofisinin rəhbəri Andrey Ermakla görüşüb”, – mətbuat xidməti bildirir. Görüşün təfərrüatları verilmir.
Dövlət protokolu baxımından Mişelin üçüncü ölkənin prezidentinin aparatının rəhbəri ilə görüşü qeyri-adi hadisədir. Mişelin beynəlxalq danışıqlarda bərabərhüquqlu tərəfdaşları dövlət və hökumət başçılarıdır.
Ukraynanın yüksək rütbəli rəsmilərindən ibarət böyük nümayəndə heyəti hazırda Brüsseldədir və yeni silah tədarükü ilə bağlı vədləri təmin etməyə çalışır ki, bu da Ukraynanın NATO Hərbi Komitəsinin baş rəislər səviyyəsində keçiriləcək iclasında iştirakının əsas mövzusu olacaq. (Tass)