2023-cü ilin oktyabr ayının əvvəlindən İsrail qüvvələrinin Qəzza zolağında keçirdiyi hərbi əməliyyatlar zamanı 35,3 minə yaxın fələstinli həlak olub, 79,2 mindən çoxu isə yaralanıb. Bu məlumatları Fələstin anklavının Səhiyyə Nazirliyi təqdim edir.
“İsrailin Qəzzaya təcavüzü qurbanlarının sayı indi artaraq 35 272 nəfərə çatıb, daha 79 205 nəfər yaralanıb”, – Səhiyyə Nazirliyinin rəsmi Telegram kanalında dərc olunan bəyanatda deyilir. Departament son 24 saat ərzində “Qəzzada 39 nəfərin həlak olduğunu, daha 64 nəfərin yaralandığını” qeyd edib. (Tass)