İsrail Hərbi Hava Qüvvələrinə məxsus pilotsuz uçuş aparatı Livanın cənubunda şiə silahlı “Hizbullah”a məxsus avtomobili vurub.
Lebanon 24 xəbər portalının məlumatına görə , hücum magistralın Qana və Rmeidiya kəndləri arasında olan hissəsinə edilib. Onun sözlərinə görə, nəticədə avtomobildə olan iki şiə döyüşçü həlak olub.
İsrail Hərbi Hava Qüvvələri və pilotsuz təyyarələri Nəbatiyyə və Tir şəhərlərinin kənarları üzərində aşağı hündürlükdə uçuşlarını davam etdirir. Hava zərbələrindən biri Hizbullahın Cebel Reyhan dağlıq ərazisindəki bazasına endirilib. Düşmən artilleriyası Mərcayun vadisi və şiə döyüşçülərinin minaatan qurğularının yerləşdiyi Qəsarat əl-Uruş bölgəsini atəşə tutur.
Bundan əvvəl Hizbullah əsgərləri İsrail hərbçilərinin Zarit qəsəbəsindəki kazarmalarını çoxsaylı reaktiv yaylım atəşi sistemi ilə atəşə tutublar. Metula şəhəri yaxınlığında şiə döyüşçüləri hərbi maşını tank əleyhinə idarə olunan raketlə vurub. Al Mayadeen telekanalının məlumatına görə , üç İsrail əsgəri yaralanıb. (Tass)