ABŞ administrasiyası İran prezidenti İbrahim Rəisi və İranın xarici işlər naziri Hüseyn Əmir Abdullahianı daşıyan helikopterin sərt eniş etməsi ilə bağlı xəbərləri izləyir. Bu barədə jurnalistlərə Dövlət Departamentinin nümayəndəsi məlumat verib.
Onun sözlərinə görə, Amerika səlahiyyətliləri “İran prezidentini və xarici işlər nazirini daşıyan helikopterin İrana çətin eniş etməsi ilə bağlı xəbərləri diqqətlə izləyir”. “Hazırda başqa şərhimiz yoxdur”, – diplomat əlavə edib.
Ağ Evin mətbuat katibi Karine Jean-Pierre-in jurnalistlərə verdiyi məlumata görə, ABŞ prezidenti Co Bayden hadisə ilə bağlı məlumatlandırılıb. (Tass)