Azərbaycan zabitləri Türkiyənin müxtəlif təhsil müəssisələrində oxuyurlar. Bu da İkinci Qarabağ müharibəsindən sonra Türkiyə-Azərbaycan münasibətlərində təhsil sahəsinin də inkişaf etdiyini göstərir.
AZƏRTAC xəbər verir ki, bu sözləri Beynəlxalq Münasibətlərin Təhlili Mərkəzinin (BMTM) İdarə Heyətinin sədri Fərid Şəfiyev mayın 20-də keçirilən “Azərbaycan-Türkiyə münasibətləri Türk Dövlətləri Təşkilatı çərçivəsində” adlı tədbirdə söyləyib.
Onun sözlərinə görə, türk dövlətləri arasında bütün sahələrdə əməkdaşlıq inkişaf etdirilir.