Dövlət Şəhərsalma və Arxitektura Komitəsində Azərbaycanın Böyük Britaniya və Şimali İrlandiya Birləşmiş Krallığı ilə əməkdaşlığı çərçivəsində Binaların İnformasiya Modelləşdirilməsi (BİM) üzrə təlim təşkil edilib.
“Report” Komitəyə istinadən xəbər verir ki, üç gün davam edəcək proqramda əsas məqsəd şəhərsalma fəaliyyətinin rəqəmsallaşdırılması sahəsində müasir dünya təcrübəsinin öyrənilməsi, tikintidə keyfiyyət və səmərəliliyi artıran BİM texnologiyalarının xüsusiyyətləri, üstünlükləri və tətbiqi ilə bağlı Komitə və tabeliyindəki qurumların mütəxəssislərinin bilik və bacarıqlarının artırılmasıdır.