Beynəlxalq Cinayət Məhkəməsinin (ICC) prokuroru Kərim Xanın İsrailin baş naziri Binyamin Netanyahunun həbsinə order verilməsi tələbi ilə məhkəməyə qədərki palataya müraciəti gecikmiş, lakin müsbət qərardır. Bu fikirləri Türkiyə Ədliyyə Nazirliyinin rəhbəri Yılmaz Tunç deyib.
“Beynəlxalq Cinayət Məhkəməsinin Baş Prokurorunun İsrailin baş naziri Benyamin Netanyahu və müdafiə naziri Yoav Gallanta qarşı müharibə cinayətləri və insanlığa qarşı cinayətlərə görə həbs orderinin verilməsi tələbi çoxdan gecikmiş, lakin müsbət qərardır. 7 oktyabr [2023]-cü ildən İsrail beynəlxalq hüquq normalarını pozur. Qəzza sektorunda və Rəfah bölgəsində həyata keçirilən hücumlar, əsas insan haqları: həyat, əmlak, təhlükəsizlik, din və vicdan azadlığına məhəl qoymadan günahsız insanları hədəf alan İsrail rəsmiləri tez bir zamanda məsuliyyətə cəlb edilməlidir” o, X (keçmiş Twitter) bəyanatında yazıb.
O, Türkiyənin “İsrail tərəfindən törədilən ədalətsizlik, soyqırım və insanlığa qarşı cinayətlərlə” mübarizədə Fələstin xalqına dəstəyini davam etdirəcəyini vurğulayıb. “1967-ci il sərhədləri daxilində müstəqil Fələstin dövlətinin mövcudluğu tanınmayana qədər biz fələstinli qardaşlarımızı dəstəkləməyi dayandırmayacağıq”, – Türkiyənin Ədliyyə Nazirliyinin rəhbəri bildirib. (Tass)