Türkiyə prezidenti Rəcəb Tayyib Ərdoğan azərbaycanlı həmkarı İlham Əliyevlə telefon danışığı zamanı Azərbaycan və Ermənistan arasında sülh prosesinin gedişindən məmnunluğunu ifadə edib. Bu barədə Türkiyə liderinin administrasiyası məlumat yayıb.
Onun sözlərinə görə, prezidentlər iki ölkə arasında münasibətləri, regional və qlobal problemləri müzakirə ediblər. “Prezident Ərdoğan Azərbaycan və Ermənistan arasında sülh prosesinin müsbət istiqamətdə irəliləyişindən məmnunluğunu ifadə edərək, Türkiyənin bu prosesi yaxından izlədiyini qeyd edib”.
Ankara dəfələrlə bəyan edib ki, Bakı ilə İrəvan arasında 2022-ci ildən müzakirə olunan sülh müqaviləsinin bağlanması Cənubi Qafqazda təhlükəsizliyin təmin olunmasına kömək edəcək. (Tass)