Danimarka Xarici İşlər Nazirliyi Beynəlxalq Cinayət Məhkəməsinin (ICC) baş prokuroru Kərim Xanın israilli siyasətçilərin həbsinə order verilməsi tələbini qeyd edib və ona etiraz etməyəcək, çünki məhkəmələrin müstəqilliyinə hörmət edilməlidir. Müvafiq bəyanatla krallığın xarici işlər naziri Lars Lökke Rasmussen çıxış edib.
“Biz buna çox ciddi baxırıq və BCM-ni tanıyırıq və onun müstəqilliyinin keşiyindəyik, ona görə də qanunun aliliyinin tərəfdarları kimi bu qərarı nəzərə almaqdan başqa çarəmiz yoxdur” deyə, Ritzau siyasət agentliyi nazirdən sitat gətirib.
Xarici İşlər Nazirliyinin rəhbəri prokurorun İsrailin baş naziri Benyamin Netanyahu və müdafiə naziri Yoav Qalantın həbsinə orderlərlə yanaşı, Fələstinin HƏMAS radikal hərəkatının üç lideri üçün də analoji həbs orderinin verilməsi tələbinin ədalətli olmasına şübhə ilə yanaşdığını bildirib. “Mənə bir az şübhəli görünür ki, demokratik dövlətin lideri terror təşkilatının lideri ilə eyni səviyyədə xatırlanır”, – deyə Danimarkalı nazir qeyd edib: “Ancaq bu, mənim qənaətimi dəyişmir : biz ICC-yə hörmət edirik, buna görə də bunu nəzərə alırıq və nə olacağını gözləyirik.” (Tass)